|
|
| |||||||
 |
|
|
#1 
03-11-2008
| ||||
| ||||
| فانوسك الـــسحري وشبـيك لبيك تاتي مطاليبك على كف يــمناك لو الطلب مليون مجموع في شـيك امرًْ طبيعي يالغضي قلت لك هاك عطيتي اقليبي وانا مـيتُ فــيك ماهو ورق ياصاحبي داخل ابـواك ديوان الأكيـــــــــــد اهدي ديـــواني الى رواد هـــذا الصرح الشامخ ويسرني مشاركاتكم والنقـــد البناء الذي يستفاد منه في سبيل اخراج ديواني بالصوره الصحيحه أرق وأجمل تحياتي خالد عتيق العتيبي | ||||
 |
|
#2
03-11-2008
| ||||
| ||||
| ((( ثــــلاث فالـــدنيـــا ))) فكرت فالدنيا واخذت الملاحيض ويرتاح صدر اللي علومي لحضها ودرست فيها الدين واجب مفاريض والجار ابترك زلته لو فرضها في خدمته بطلب من الرب تعويض وايضاً مع اسلوب الحياه اتعضها وثلاث فالدنيا ماصارت مرافيض فيها تعاكس مختلف مع بعضها شخص(ن)حياته مايعاني تماريض وغيره يعاني في حياته مرضها والمال مهما زاد يذهب مقاريض وياكم من واحد فلوسه قرضها والعمر مهما طال يكسب تلافيض اخر حياته عند ربه لفضها | ||||
| |
|
#3
03-11-2008
| ||||
| ||||
| (((هـــــل يعقـــــل ؟؟؟؟؟))) تقول موظفه فالبنك ورقمي للعرب منشور شروط البنك ياخالد صعيبه وانت خابرها على شان اكسب ارضاهم تقول اني على دافور ورقمي بين خلق الله مسجل في دفاترها عميلة بنك هولندي واحب اداعب الجمهور على نغمة صدى صوتي تقول اني مخدرها مثل بنج(ن) بوسط ابره وضعه الماهر الدكتور على ذاك المريض اللي حواله في تدهورها ليا منه وضع بنجه يحد السيف والساطور خلال اوقات معدوده وروحه في مخاطرها سلكت الدرب مسلاكه ودربي صوتي المشهور عذوبة صوتي الرنان والضحكه ندبرها بدون اشعور ياخالد يطيح التاجر الهامور ومن تملك رصيد الصفر نلعب في مشاعرها دروس البنك مطلوبه نطبقها على الطابور حيانا راح ياخالد قبايل مانعبرها عجب واكبر غرابه ياضميري والزمان يدور فهل يعقل كلام(ن) قالته في وضع دامرها | ||||
| |
|
#4
03-11-2008
| ||||
| ||||
| (((بـــــدون اهيــــاط ))) صلاة الظهر كلمنـي وخلانـي بـدون اشعـور يازين الصوت ياحلوه لاصارت بنـت غنـدوره لو اني شاعر(ن) ماهر يضيع الشعر بين اسطور يتوه الفكر والهوجاس لو هـو ماخـذ(ن) دوره عجبت بكلمة(ن) قيلت وفز الخاطـر المكسـور يقـول مقـدم المعـروض نفسـه دوم منهـوره وقلت مقدم المعروض قصده واضح(ن) مخبـور حسبتك تعرف المضمون دام الـروح مخطـوره وقال اشك في وضعك واضنك عاشق(ن) مقهور صحيح انك على وضع الهوى والحال مدمـوره انا دقيـت بالصدفـه علـى جوالـك المذكـور ولكن روح واتركنـي ترانـي بنـت مستـوره اعيش بعالم(ن) ثاني ويحماني ثـلاث اجسـور وبيـت العـز ماتقـدر تقـرب ناحيـة سـوره على بيتي حرس واجد تسل السيف والصاطـور خطير اللي نوى مثلي يروح برجـل مكسـوره وقلت انا من الهيـلا ودمـي فالعـروق ايفـور ولاافكـر بحراسـك لـو ان الرجـل مبتـوره وقالت لي بدون هياط اعرفك شاعر(ن) محصور تجيد الشعر وبيوته وغايـص داخـل ابحـوره تجيب الشعر بوزان(ن) عليها يطرب الجمهـور على كيفـك تطوعهـا بوسـط النـت منشـوره وقلـت اقـول قفلهـا وقفـل هاتفـك مشكـور ترى لن طال مشوارك تجيك اعلـوم محظـوره | ||||
| |
|
#5
03-11-2008
| ||||
| ||||
| (((نـــاظـــر وطــألع ))) اليا ذكرت الرب في كل الاحوال يزيل همك والحمول الثقيله ناظر وطالع يافتى وسط الاطلال تعرف مصيرك بين يوم(ن) وليله اخذ العبر من سيرة الناس لابطال اللي فنو عبر العصور الطويله لاتغرك الدنيا ترى الوقت رحال والعمر يفنى بين قبر ونثيله مايتبعك دنيا ولايتبعك مال الا عملك اليوم تلقى حصيله واليا نفخ فالصور في يوم الاهوال وجاك الكتاب وكف يدك تشيله اما عمل صالح على فعل الاعمال وتبقى بروض(ن) والحياه الجميله والا عمل باطل على شين الافعال وتبقى بنار(ن)في حياة(ن) هزيله نبذه بسيطه واعتبر يابن الاجيال واخذ الدروس من العضات الجليله | ||||
| |
|
#6
03-11-2008
| ||||
| ||||
| (((نـــاظـــر وطــألع ))) ارشيفي والبدايات في الشعر الشعبي قالت وداعٍ يصيب القلب بوجاعي ماعالجه من يعرف الطب وعلاجه ماعالجه من يجبر كل الاضلاعي من كثر همه يعاف الطب واحراجه لوهو على الطب يعرف كل الاسناعي يترك جميع الشهائد وسط الادراجه هاذي تحية مغادر ناوي اقلاعي نوى يسافر ويركب بحر وامواجه من بحر جده توجه قبل الاشعاعي في خاطره مصر ناوي دار سوهاجه وقفت من هول ماقفها ومرتاعي اصفق بكفي على الخدين بزعاجه واصيح للناس وسط فجوجٍ اوساعي وقلبي معذب وناره دوم وهاجه هاذي محبة حبيبي زين الاطباعي مالوم رجلي لو ان الرجل نهاجه اليا وصلته لقيت الناس صراعي من القهر مايبونه يفرد احجاجه في هاجسي لاصله لودونه اسباعي سواة ناسٍ على التهريب رواجه اما تفوز ابحياتٍ غصب واطواعي والا تخسر الحياه ابرجل دواجه | ||||
| |
|
#7
03-11-2008
| ||||
| ||||
| (((قصيدة لاتــــزيد النقــــاشـــي(غزليه) ))) كم هو ثمن حبك ليا صرت مابغاك واعطيك مبلغ حبك اليوم كاشي خلاص قلبي قرر اليوم ينساك وارجوك بالله لاتزيد النقاشي اول على درب الهوى تابع ارضاك واليوم روح للقلوب الغشاشي روح وتلقى فالهوى من تمناك والعب على فكره ترى الفكر ماشي اليا نطقت بكلمة(ن) قال لباك اعقولهم فالحب كبر الفراشي لا قلت الو من هاتفك قال حياك يعطيك مطلوبك بوقت المعاشي يقول انا مالي من العالم اسواك يكذب على حظرتك كذب(ن) بلاشي وتصدقه عامين مع دور الافلاك وباكر تبا ترحل بخرقة قماشي وقدمك عذاب القبر والنار تدعاك وجلدك على عظمك يجيه انكماشي | ||||
| |
|
#8
03-11-2008
| ||||
| ||||
| قصيدة فــــــــــارق(غزليه) العام لاشفت الغضي في شارعه فزيت له واقوم واقف والتحيه للغضي دقيتها تحية(ن) من ضامري بالكف انا رديت له في ذمتي في ذمتي لولا الحيا خميتها واقول شي(ن) في ضميري مابعد عديت له خارج من احساس الفواد وكلمتي عديتها من كثر حبه والغلا في ضامري خطيت له حرف(ن) من الابداع في جمله ترى سويتها ابداع شعري من ذهب في جملة(ن) سويت له كلمة احبك في عروق الدم انا خطيتها وجملة رسايل من ضميري ياسعد دزيت له وبيوت شعر(ن) كالصخر في زولها ذبيتها واليوم في وسط الرسايل ياسعد قريت له يقول لي فارق ترى عشرتك انا مليتها لولا العوايد ياسعد في ذمتي سريت له واقضي على روحه من اللوعه وادمر بيتها | ||||
| |
|
#9
03-11-2008
| ||||
| ||||
| قصيدة بيــــروت( طبيعه ) اليا زعجت الصوت والصدر مكبوت يصبح فوادي ينتقي شعر نقوات يشرح فوادي شوفة البر وخبوت وشوف الخباري يشرح الصدر بالذات صدى طير الفضا يرفع الصوت يازين صوته والتغاريد حلوات وسط المدينه ماهتني لذة القوت حرام كني ميت(ن) ضمن الاموات الفرصه الفرصه قبل فايت الفوت ابغتنم فرصة حياتي فالاوقات ابعد عن اللي لبسهم شرت والبوت مالي وماله والفيافي وسيعات باسج صحرا نجد والعمر موقوت واصعد على رجم الجبال المنيفات لوعشت عام(ن) كامل(ن) وسط بيروت افكار راسي ماتغير سويعات افكار راسي تجتمع ساعة اسكوت تاتيني افكاري على نظم الابيات هواجس الافكار في جملة ابيوت من ضامري تاتي على جر الاصوات حالة مضلي نازل(ن) في براشوت يقفز على كيفه وراعي مهمات | ||||
| |
|
#10
03-11-2008
| ||||
| ||||
| قصيدة هـــاتفك مقفــــول اسبوع طاف وهاتفك مقفول وانا معذب والهوى قتال اضغط على رقمك بلا محصول واطلب اعادة رقمكم فالحال هذا خطاء ياصاحبي مدبول مدري غلا او تعمل استهبال خليت فكري يالغلا مشغول مابين برج وهاتف(ن) نقال يمكن جدار الذبذبه معزول معزول عن برجين فالارسال حيرتني هل هاتفك معطول والا ديارك مابها استقبال شيك عليه تحصل المرسول رسايلي في خانة الاهمال هملتني ياراعي المجدول والقلب في حبك ثلاث اوصال حبك على قلبي عسل معسول بس الهوى نكبه وانا رجال وانا بطل واصارع الابطال على الشجاعه شاربي مفتول معروف مااحلق شاربي لاطال ابيك تفتح هاتفك وتقول لازلت احبك والهوى قتال | ||||
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| عدد الأعضاء الذين قاموا بقراءة هذا الموضوع: 1 | |
| Shahd | |
جميع الاوقات بتوقيت GMT +3. الوقت الآن 06:56 AM.
|
عمر المنتدى: |