|
|
| |||||||
 |
|
|
#1 
14-10-2008
| ||||
| ||||
| &&&&&&&&&&&&&&&&&&&&&&&&&&&& أنا مسلم أنا مسلم أنا إنسان أنا فيا الأمل عمران أنا بالخير باعيش علشان طريقي ينور الأكوان أنا مسلم طريقي النور باحارب للسلام وباثور ولا أمشي في طريق الزور واعرف سكة الإحسان أنا مسلم أنا طيب وقلبي لنظرتي قريب واشوف الجرح أتعذب دانا مهما يكون إنسان أنا عابد لرب كريم عشان مسلم وقلبي رحيم ومهما الناس تكون قاسية أكون صادق وعقلي حكيم عشان الجنة والغفران أخاف م الظلم وشروره وارمي في الفضا زوره واقول عمري ما اشوف جوره وحتى ريحته وزهوره وطالب رحمة الديان &&&&&&&&&&&& ليه تسألني أنا كنت أناني ليه تسألني انا كنت أناني كنت باحاربك طول أزماني قلت علي انا أكبر جاني بس القسوة دي علشانك كنت باخاف علي غدرك يكبر كنت بقول علي قلبك يمكر عارف إنك خيري بتنكر عايز أقتل فيك طغيانك كل الغلطة علشان خاطرك عايز ابدد قسوة مكرك عايز اشتت لمسة فكرك عايزك ترحم كل إخوانك ليه فكرت علي عدوك لما القسوة ظهرت نحوك كل الناس حوالي بتضحك عارفينك عارفين بركانك بعد ما شفت الصح ارحل له واللي يخاف عا الناس اسمع له والمرشد باللين اخضع له وساعتها هتحرق شيطانك وهيظهر للناس إحسانك &&&&&&&&&&&&&&&&&&&&&& سنة ورا سنة سنة ورا سنة تكبروا يا ولاد لما تكون أيامكو أعياد سنة ورا سنة هنشوفكو كبار وانتو هناك قاعدين شطار هتحبونا وتحيونا ... وتدمروا مكر الأشرار سنة ورا سنة أحلامكو تزيد يبقي الخير في بلدنا أكيد يلقي الكل في أرضي نشيد نجري ونلعب فيها بفرحة علشان كلنا يبقي سعيد سنة ورا سنة هنعمر مصر نكبر نبني ونسكن قصر والخير عطر أرض النصر سنة ورا سنة والكل يقول مصر بلدنا تعيش علطول نحلم بالخير يملي بلدنا والأفراح في بلدنا تطول والأحزان تسرح وتزول &&&&&&&&&&&&&&&&&&&&&&& يا ابن الأقصى يا ابن الأقصى البعيد أنا جايلك يوم أكيد في اديا البندقية.. أنفي الظلم العنيد يا ابن الأقصى الأسير أنا روحي معاك تطير وفؤادي عاش ف حيرة من غادر صار حقير يا ابن الإسلام يا صاحبي أنا جايلك أأدي واجبي ولأمر المولى البي علشان أنا باهدى حبي يا عربي إوعى ترحل عن أرضك لو ثواني حتى لو كنت خايف .. راح تفرح بالتفاني صابر وف جوا قلبي عزم يعيد الأماني وف ايدي التانية مدفع يعزف أجمل أغاني بيقول ترجع بلادي وتعود للمجد تاني إفرح طول ما انت حي وكفاية عذاب وضي دا العربي ماله زي نور الإسلام حماني &&&&&&&&&&&&&&&&&&&&&& يا صاحبي الحنون وانا من غيرك ما أكون دانت بسمة حياتي وانت فرح العيون أنا بلقي فيك مرايتي وباشوف الأمان وباسمع لك حكايتي ومعاني الحنان لو تتعب يا صاحبي أنا بالقي الهوان لو تبعد شوية باحسب في الزمان أنا أفرح لما تفرح وانت علشاني تفرح والجرح اللي يزورك لونه في عنيي يجرح دانت دوايا وانت زهرة في الجبين وباشوف المودة وباشوف الحنين أنا من غيرهم صحابي عايش في الأنين هما ربيع حياتنا الناس الطيبين &&&&&&&&&&&&&&&&&&&& اجري ودور ياللا يا طير اجرى ودور ياللا يا صاحبي فوق كل الأغصان لف الدنيا وانت صغير واملاها بألحان غرد فوق غصن الزيتون واملا الأرض جمال وفنون دا انا يا صديقي معاك راح اكون هاجري واغير كل الكون لف يا طير فوق كل مكان واتعلم نظم الألحان وانا دايماً وياك فنان ارسم لك أحلى الألوان اجمع عشك م الأجران واملاه بالقش المبلول كل كلامك كان معقول وانت بتمشي في أي مكان دور علي صاحبك وارعاه وامشي وحافظ علي دعواه تحصد أحلى سنين وياه واللي هتعمله راح تلقاه اجري يا طير فوق كل مكان والقط حبك م الأجران يا للا يا طير أنا نفسي أطير وابقي مع الجناحين سلطان &&&&&&&&&&&&&&&&&&&&& يا مسجد المختار يا مسجد المختار أنا قلت فيك أشعار نفسي البي وازور وأطوف معاك وأدور أنا نفسي أروح مكه بلد الرسول طه وأطوف مع الأبرار بلد الحبيب النبي مليانة بالعمران الروضة هي الأمل والصدق هو العمل يا مسجد المختار أنا قلت فيك أفكار يا سيدي المختار أنا قلت فيك أشعار نفسي أشوف مسجدك وأعيش مع الأبرار وأكون مع الأنصار أحمي حبيبي النبي بالحب والإصرار دا انت عشان نهتدي قاومت أهل النار وحاربت ف الكفار إنت إمام الرسل رحمة لكل البشر يا سيدي المختار أنا ليه فيك أفكار | ||||
 |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| عدد الأعضاء الذين قاموا بقراءة هذا الموضوع: 3 | |
| الامورة المصريه, حنووش | |
جميع الاوقات بتوقيت GMT +3. الوقت الآن 01:18 AM.
|
عمر المنتدى: |